Posibleng ipa-ban kan saindang mga kaparientes an mga indibidwal na lulong sa pagkakawat kan online sugal na scatter.
Kasunod ini kan paglangkaw kan numero kan mga indibidwal na nababaon sa utang asin nararaot an buhay asin pamilya huli sa sugal.
Sigon ki Palace Press Officer Claire Castro, yaon sa website kan Philippine Amusement and Gaming Corporation (PAGCOR) an proseso kan pagbabawal asin tulos na aksyonan ninda.
Dawa ngani sinabi kaini na dae pwedeng i-ban an mismong scatter game huli ta ini lisensyado, mahigot ining pigbabantayan asin pigreregular kan PAGCOR asin kan Department of Information and Communications Technology (DICT).
Aminado man si Castro na saro sa mga problemang kinakaatubang kan gobyerno ngunyan, iyo an paglangkaw kan mga illegal gaming websites na padagos na pigpapababa kan mga otoridad.
Sa ngunyan, nasa 7,000 illegal site na soboot an naipasarado kan gobyerno maski paulit-ulit na nagriribay nin website an mga operator.
Nangapudan man si Castro sa mga sikat na personalidad na magpundo na sa pagpromote nin iligal na online scatters.
