Inihayag kan Senate Impeachment Court na hasta sa ngunyan na sana an pwede na magsumiter kan saiyang reply si Vice President Sara Duterte sa ipinadara nindang summons kansuarin sana.
Sigun ki Atty. Reginald Tongol, an Bise Presidente, pigtawan nin pagkakataong maiheras an saiyang kasimbagan sa korte magpuon kan ini maitao sampulong aldaw an nakalihis.
Kun saen basado sa pigsusunod na nakabugtak sa saligang batas, pwedeng isunad o ihabol pa ini kan kampo ni Vice President Sara Duterte hasta sa atchan, antes mag-alas dose nin matanga.
Kaya man an saindang lado o depensa, igwa pang pirang oras tangani tawan linaw o iheras an saindang kasimbagan.
Huli man kaini, sineguro man kan Senate Impeachment Court na dagos pa man an pagproseso o pagsasagibo ninda kan impeachment proceedings enkaso dae magsunad kan saiyang reply an bise presidente.
Dugang pa kan nasambitan ng tagapagtaram na kun dagusang dae magsusumiter an Bise Presidente kan saiyang reply to summons, mayo man ini nin magigin padusa sa saindang lado.
Ini man an sa ibong kan pigtao na tyansa sa sainda tangani iheras o ilahad an saindang istorya, laso, o pagtataong linaw sa mga alegasyong kinaiimbweltuhan.
Sigun ki Atty. Reginald Tongol, an dae pagsusunad nin reply sa ipinadarang summons kan Senate Impeachment Court an desisyon na kan mga abogado ni Vice President Sara Duterte.
Ini an opsyonal sana kaya man nasa saindang lado na kun masunad o dae na sinda masimbag pa mantang nagpapadagos an proseso kan Impeachment proceedings.
