Patrabaho kan Plaza Quezon dae pa matatapos sa bulan nin Setyembre – Naga City Mayor

NAGA CITY – Piglinaw kan alkalde sa siyudad nin Naga na dae pa matatapos sa bulan nin Setyembre an patrabaho sa Plaza Quezon.

Alagad sigun ki Naga City Mayor Nelso Legacion, kumpleto na man an budget para sa plaza quezon na kun saen ipapadagos na man sa ibong kan pagkaantala kan konstruksyon huli sa Bagyong Kristine kan nakaaging taon asin nadiskubreng malumoy na daga kan tutugdukan.

Kasunod kaini, napiritan na ipauntok paramientras an pagpatrabaho orog na ta dae na ini pigkonsidera sa program of works huli sa kundisyon kan daga kaya man kinaipuhan an pagresolbar kan DPWH katakod sa panundon.

Sa ngunyan, pigtawan duon ni Legacion na ipapadagos pa an mga siring na mga proyektong papakinabangan kan bilog na syudad nin Naga.