Inimbitaran ni Philippine National Police (PNP) Chief PGen. Nicolas Torre III si Vice President Sara Duterte sa National Headquarters kan PNP tangani ipahiling an paggamit kan makabago asun modernong teknolohiya sa pagkasa nin mga police operations asin para sa mas marikas na police response kan saindang kabo.
Ini an makalihis na batikuson kan Bise Presidente an inisyatibo kan liderato ni Torre komo bagong hepe kan organisasyon na pagpapahigot asin pagpapakusog kan police visibility kan saindang kabo sa mga tinampo sa bilog na nasyon komo ‘outdated’ na stratehiya kan mga pulis sa kanto.
Kasunod kaini, inimbitaran kan hepe an Bise Presidente tangani persosnal na mahiling kaini kun pano ninda ginagagamit an kodernong approach sa mga matrayumpo na pagresponde kan mga pulis sa mga emerhensiya kan publiko.
Dugang pa kan hepe, igwa sindang mga makabagong kagamitan siring na sana kan drone, CCTV cameras asin magin mga body cameras asin iba pang mga kagamitan tangani masierto na magigin mas marikas asin accurate an magigin pagresponde kan saindang kapulisan sa mga inaapod kan publiko sa saindang 911 emergency hotline.
Mientrastanto, sa ibong kan mga nagin batikos na naresiber kan inisyatibong ini gikan sa panduwang pinakahalangkaw na opisyal kan nasyon, padagos na gigibuhong proyoridad kan PNP an pagpapakusog pa kan police visibility asin magin an saindang marikas na pagresponde sa mga pangangaipuhan kan taong bayan.
