NAGA CITY- Nangapudan an Department of Health Bicol para sa pagbawal sa pagpapabakal nin mga junk food harani sa mga eskwelahan tanganing maipromoter an masustansiyang pagkakan.
Sigun ki Dr. Gladys Escote, chief kan local health support division kan DOH-5, an mga barangay councils pwedeng magkriar nin polisiya o resolusyon na mabawal sa pagpapabakal nin mga junk food, softdrinks asin iba pang klase kan pagkakan na dae makakamarhay sa salud kan mga estudyante.
Pigsaysay kan opisyal na sa tabang kan Department of the Interior and Local Government, an mga barangay kayang madetermina an tamang distansiya gikan sa mga eskwelahan pasiring sa lugar na ipinagbabawal an pagpapabakal kan nasambitan ng pagkakan.
Piglinaw man ni Escote na an obheto kan nasambitan ng lakdang an bakong pagbawalan an mga lokal na paratienda kundi an masierto na an mga kaakian an kayang maka-access sa masustansiya na pagkakan.
An inisyatiba na ini kinakaipuhan nin tabang gikan sa komunidad asin gobierno.
An mga tindahan na harani sa mga eskwelahan an kaipuhan na magsairarom sa tamang training sa pagpreparar nin pagkakan.
Katakod digde, an DOH preparadong magtabang sa pagkundusir nin seminars asin para a local governments asin rural health units dapit sa pagpreparar nin pagkakan tanganing epektibo man na maimplementar sa barangay level.
Sa ngunyan, hagad na sana kan opisyal an kooperasyon kan publiko para sa mas marhay na implementasyon kan nasambitan ng programa.
