NAGA CITY- Pigheras kan Robredo Administration an saindang mga napuonan kan nakalihis na semana.
Sa nagin patara-tara ni Naga City Mayor Leni Robredo, sinaysay kaini na kan nakalihis na semana nag-issue soboot ini nin walong Executive Orders na iyong magseserbeng giya sa pagmanehar sa lokal na gobierno.
Kabali sa mga kasuguan na ini iyo an zero tolerance against corruption kun saen liwat na pigtatawan duon mayong lugar sa Naga City an anuman na klase kan korupsyon na pwedeng gibuhon kan anuman na opisina o isay man na opisyal o empleyado kan City Hall.
Kabali man sa Executive order na ini an mass regularization para sa mga empleyado na nagtatrabaho sa City Hall nin nasa sampulong taon pataas na dagos-dagos.
Ini an maagi sa kanya-kanyang Department Heads asin an HR an matrabaho. Kaipuhan soboot na maitama an practice sa kadakol na government offices siringman maibusol na mas kadakol an permanent kaysa sa mga job orders.
Apwera digde yaon man an Executive order para sa pagkriar kan three year development plan, pag-appoint nin transition committee nin paramientras kun saen an sweldo kan City Administrator babangaon kan mga ini asin mga nagkapira pang kasuguan na mabusol sa sarong gobierno na naka-sentro sa mga tawo.
Sa ngunyan, hagad na sana ni Robredo an suporta kan gabos para sa marhay na pagbabago sa siyudad nin Naga.
