Naglangkaw an foreign direct investments (FDI) na naglaog sa Pilipinas kan nakalihis na Abril 2025, sigun sa Bangko Sentral ng Pilipinas (BSP) na nakapagkurit nin pinakahalangkaw na lebel sa laog kan tolong bulan.
Sigin sa BSP, nag-abot ini sa $610 million – an net FDI inflows kan nakalihis na Abril, mas halangkaw kumparar sa $498 million kan nakalihis na Marso asin $570 milliom kan nakalihis na Abril 2024.
Ini na man an pinakahalangkaw puon Enero ngunyan na taon, na igwang $731 million.
An paglangkaw an huli sa mas dakulang naglaog na na puhunan sa anyo kan debt instruments, na naglangkaw nin 24.3% ($522 million), asin reinvestment of earnings na naglangkaw nin 3.3% ($84 million).
Mientrastanto, nagbagsak man nin 94.1% an net investments sa equity capital (dae kaibahan an reinvested earnings) sa $4 million puon $86 million kan nakalihis na taon.
An mga equity placements kan nakalihis na Abril, nagpuon sa Japan (32%), U.S. (18%), Singapore asin South Korea (13% lambang saro), asin Taiwan (9%).
Kadaklan sa mga ini an napasiring sa manufacturing (47%), finance asin insurance (16%), asin real estate (16%).
Sa kabilogan, an year-to-date FDI inflows puon Enero hasta Abril an nasa $2.371 billion- mas hanana nin 33.4% kumparar sa $3.560 billion sa parehong panahon kan nakalihis na 2024.
