Nag-atendir kasudoma, Hulyo 11 si dating Negros Oriental Represetantative Arnolfo ‘Arnie’ Teves Jr. sa panibagong arraignment sa Quezon City Regional Trial Court.
Digde kaini hinampang an kasong igwang koneksiyon sa pagbalgar sa Section 4(a) of Republic Act No. 10168 o an Terrorism Financing Prevention and Suppression Act of 2012.
Alagad maski bigo kaining i-presentar an sadiri nin aktwal, pigkumpirmar man kan saiyang abogado na si Atty. Ferdinand Topacio an pag-atendir kaini sa paagi kan video conference.
Sa isinagibong pagbasa kan sakdal, pigtawan-duon kan dating kongresista an saiyang derechos na magtoninong o ‘constitutional right against self-incrimination’.
Huli digde, an mismong Quezon City Regional Trial Court Branch 77 na an naglaog nin not guilty plea para ki Former Negros Oriental Rep. Teves Jr.
Mantang an pre-trial man para sa nasambitan ng kaso an pigtalaan na ma-skedyul sa masunod na bulan nin Agosto.
Sa presente, nahahampang man an dating kongresista sa patung-patong na mga kasong igwang kinaaraman sa illegal possession of firearms and explosives asin paggadan o murder.
Ini man an padagos na nagpapamarhay makalihis na maoperahan kasuarin sana huli sa malalang pagkulog nin tulak.
