Aram baya nindo mga ka-Bombo, piglista na kan UNESCO an ”Xixia Imperial Tombs” komo parte kan prestihiyosong World Heritage List, sarong dakulang dugang sa mayamang pamana kan kultura kan China.
An inskripsyon, nagtaong dalan sa importansya kan pangkinaban na kultura asin kasaysayan kaini, asin nagbubusol sa kinaban na aramon an sarong yugto sa Sirangang Asya na makukua sa west Yinchuan, kapital kan Ningxia Hui Autonomous Region.
Igwa nin mahewas na disyertong tanawon, an Xixia Imperial Tombs sa lugar na naglalaog nin siyam na mausoleo kan mga emperador asin kabi sa 270 mga tomb na nakalubong.
Bistado komo “Oriental Pyramids” huli sa saindang kakaibang disenyo asin monumento, an mga lubongan na nagsisirbing importanteng parte kan historya asin kultura kan sinaunang Tsina.
An Xixia o Tangut Empire (1038-1227 AD) an sarong makulay asin estratehikong kabihasnan sa Silk Road, na bistado sa saindang mga natatanging kontribusyon sa kultura, irigasyon, asin kalakalan.
Sa ibong kan saindang trayumpo, an Xixia Empire an dagusang nasakop kan mga Mongol, asin kadakol nin parte kan saindang historya asin arkitekturang pamana an nawara apwera sa mga lubongan na ini.
