Pigsaysay ni US President Donald Trump na tinawa kaini an Russia nin nasa 50 aldaw tanganing pag-ulayan an giyera sa Ukraine.
Kasabay man kaini an patanid na posibleng patawan nin magabat na economic sanctions an Russia huli sa nagpapadagos na kariribukan.
An nasambitan ng pahayag an kasabay kan pakikipag-ulay kaini ki NATO chief Mark Rutte sa White House.
Sa nasambitan ng meeting, nagkasundo si Trump asin Rutte na mabakal nin armas an NATO gikan sa United States kabali na an Patriot anti-missile batteries.
An armas na ini an itatao sa Ukraine tanganing tabangan sinda kontra sa Russia.
Sigun ki Rutte, na dating Dutch prime minister makakatabang nin dakula an deal na ini sa Ukraine tanganing maproteheran an saindang sadiri.
Sa ngunyan, nagpapadago-dagos an ginigibong pag-urulay tanganing mauntok na an giyera sa pag-ultanan kan Ukraine asin Russia.
