NAGA CITY- Liwat na pigbukasan kasuudma, Hulyo 15, 2025 an Raul S. Roco Library sa siyudad nin Naga.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na kinaipuhan na soboot bukasan an nasambitan ng library huli ta nahihiling ninda an pangangaipuhan kan mga estudyante sa siyudad nin.
Sigun pa sa opisyal, saro sa mga pigpoproblema kan mga magurang an paghahanap kan saindang mga kaakian nin computer shop na bukas maski bangi.
Katakod digde, mas pinalawig na operasyon kan library na mabukas puon alas 8 nin aga hasta alas 10 nin bangi asin pitong aldaw sa sarong semana.
An nasambitan ng oras kan operasyon an trial pa sana nin huli ta hihilingon sa mga masunod na bulan kun enkaso kaipuhanon an pag-extend kaini.
Mientrastanto, pig-orgulyo man ni Robredo na mas pinahewas asin pinagayon pa an lugar huli sa libreng internet connection, laptops sa digital learning hub na magagamit kan mga mawot mag-adal.
Apwera digde, igwa man children section, asin museum section na nagpapadagos pa an pagpapatrabaho sa presente.
Sa ngunyan, hagad na sana kaini an kooperasyon kan publiko sa pagmantinir na malinig asin pakarhay an nasambitan ng lugar.
