Pinagirumduman kan Department of Labor and Employment (DOLE) an mga employers sa National Capital Region (NCR) na epektibo na an P50 na dagdag sa aldawang sahod kan mga obrero pag abot nin Hulyo 18.
Sigun ki DOLE-NCR Regional Director Sarah Buena Mirasol , na dapat, magsagibo na nin adjustment an mga employer sa aldawang sahod kan saindang empleyado. Masagibo man sinda nin monitoring sa mga employer tangani masiguro na ini an nasusunod.
Marurumdumang kan nakalihis na bulan, inaprubaran kan NCR Regional Tripartite Wages and Productivity Board an dagdag na P50 sa aldawang sahod sa mga obrero kan rehiyon.
Huli man digde, magigin P695 na gikan sa dating P645 an minimum wage rate para sa mga non-agriculture sector mantang magigin P658 na gikan sa dating P608 an mga agriculture sector.
