Nagpatanid an Ministry of Education kan China sa mga estudyanteng nagpaplanong magklase sa Pilipinas.
Ini an sa tahaw soboot kan paglangkaw kan mga krimen na nagtatarget sa Chinese nationals.
Sa inisyung warning kan Ministry na pigreport kan pirang state-owned Chinese media (Global Times), pig-abisohan kaini an mga estudyante na masusing kilatisin an mga posibleng huma sa seguridad asin pakusugon an kamalayan asin pag-iingat kun ikinokonsiderang mag-adal sa Pilipinas.
Nakapalaog man sa report na pigpost online kan Chinese Embassy na nakabase sa Maynila na madalas soboot nangyayari an mga insidente kun saen embwelto an local law enforcement sa panghaharass asin pag-inspeksiyon sa mga Chinese nationals asin mga negosyo siringman nagigin karaniwan na soboot nangyayari sa nasyon an political gatherings, protesta asin demonstrasyon na nagreresulta sa nag-iigting na banta sa seguridad kan mga Chinese national asin institusyon sa nasyon.
Pinapalikay man an mga Chinese nationals sa mga political gatherings asin matatawong lugar asin maigting na imonitor an sitwasyon asin likayan an unnecessary outings.
Pig-abisohan man an mga Chinese na magsunod sa lokal na ley asin regulasyon asin nagtitinir na alerto kontra sa posibleng safety traps o scams.
Sa ngunyan mayo pang pahayag na pigluluwas an Department of Foreign Affairs (DFA) katakod sa nasambitan ng patanid kan Ministry of Education kan China.
