Nanindugan an defense team ni Vice President Sara Duterte na preparado na sindang atubangon an mga alegasyon laban sa Bise Presidente kasunod kan desisyon kan Korte Suprema na nagdedeklarar sa impeachment complaint komo unconstitutional.
Sa ruling kaya kan kataas-taasang hukuman, nilinaw kaini na bagaman idineklarang pagbalagar sa ley asin mayong bisa an articles of impeachment huli sa pagbalgar sa one-year bar rule asin pagbalgar sa karapatan para sa due process, dae ninda inaabswelto an Bise Presidente gikan sa charges kontra sa saiya.
Alagad sigun sa defense team, saindang sisimbagan an mga akusasyon sa tamang panahon asin sa tamang forum.
Naenot na man sinaysay kan defense team na welcome development para sa sainda an nagin desisyon kan Korte Suprema na nagpapatibay sa saindang pinaninindugan simula’t sapul pa sana na maluya an pigsunad na ikaapat na impeachment complaint kan 215 na miyembro kan House of Representatives kan nakalihis na Pebrero 6, parehong aldaw na in-impeach kan kapulungan si VP Sara.
Dugang pa kan defense na liwat pinagtitibay kan unanimous decision kan Korte an rule of law asin ipinairal an konstitusyon laban sa pangaabuso sa proseso kan nasambitan ng impeachment.
