Pig-inkaminar kan Office of Public Counsel for Victims (OPCV) an International Criminal Court (ICC) na sayumahan an kahagadan kan kampo ni dating Presidente Rodrigo Duterte na ipagpauktaba an pagdedesisyon sa hamon kaini sa hurisdiksyon kan korte katakod kan mga soboot krimeng nangyari sa irarom kan saiyang war on drugs.
Sa dokumentong iniluwas kan nakalihis na Hulyo 24, 2025, pighurot kan principal counsel kan mga biktima na si Paolina Massidda na mayong bastante na basehan an kahagadan kan kampo kan dating Presidente asin ini an salungat man soboot sa interes kan mga biktima. An mga argumento na nirequest an bakong konektado sa isyung may kinaraman sa hurisdiksyon kan korte.
Inapod pa kan OPCV na “speculative” o haka-haka sana an kahagadan kan kampo kan dating Presidente, at sinabi nindang may karapatan an mga biktima sa marikas asin malinaw na legal process.
Dugang pa kan OPCV, preparado na an korte tangani magluwas nin desisyon, asin an sulamenteng legal na opsyon na sana kan defense iyo an bawion an saindang hamon na dae pa ninda ginigibo.
Mientrastanto, sa panibagong dokumentong pigsunad man kan nakalihis na Hulyo 24, pig utro kan abogado ni Duterte na si Atty. Nicholas Kaufman an saindang kahagadan na dae idagos an pagdangog sa nagkapirang isyu (na dae na isiniwalat sa publiko).
Sinaysay man kan kampo kan dating Presidente na mayo sindang pigsunad na saksi o testimonya sa hearing, asin matao na sana sinda nin dokumentaryong ebidensya.
Mayo pa man nin desisyon an ICC Pre-Trial Chamber I sa kahagadan kan defense team ni Duterte na magkaigwa nin status conference tangani pag-ulayan an mga isyu katakod kan nakatalaang confirmation hearing sa Setyembre, 2025.
