Puon ngunyan na aldaw, Agosto 4, matao an Department of Transportation (DOTr) asin MRT-3 nin libreng single journey tickets (SJT) sa mga pasaherong dae makapag-tap out sa mga station kan MRT huli sa mga isyu sa sistema sa pilot run kan cashless payment.
Parte ini kan direktiba kan gobyerno na masolusyonan an mga reklamo kan mga pasahero kan MRT-3 na naggagamit nin cashless payment gamit an debit/credit cards, QR codes, asin mga NFC-enabled mobile devices.
Pigbabantayan kan ahensiya an mga isyung pigkakahampang kan mga pasahero, kaibahan na an mga pagkakataong nababayadan an pinakahalangkaw na pamasahe na Php28 huli sa mga system error sa pag-tap out sa mga exit turnstiles.
Komo solusyon, tatawan an mga apektadong pasahero kan non-expiring Single Journey Ticket na katampad kan pinakahalangkaw na pamasahe kan MRT, na pwedeng gamiton sa saindang masunod na biyahe.
Tanganing makua an libreng ticket, magpasiring sana sa anumang ticket booth kan MRT-3 asin ipahiling an patunay kan bakong matrayumpo na tap-out transaction.
