Liwat na maduon na pigpahimutikan ni Department of Public Works and Highways Secretary Manuel Bonoan an nagkukuriyat na alegasyon sa social media na igwang anom na lehislador an nakakua nin P800 bilyong kantedad kan flood control projects.
Sa briefing kan DPWH sa House Committee on Public Accounts, pigtawan duon ni Bonoan na sarong dakulang kalokohan asin mayong batayan an nasambitan ng akusasyon.
Huli kaini, pigtawan duon man ni House Senior Deputy Speaker David “Jay-jay” Suarez kan Quezon na dae tutugutan kan Kongreso na rauton kan salang impormasyon an tiwala kan publiko sa mga institusyon.
Dugang pa ni Suarez, seryoso an Kamara sa pagharap sa isyu, orog na ta parte ini kan saindang mandato na bantayan an paggastos sa imprastraktura komo kasimbagan sa pangapudan ni Presidente Ferdinand Bongbong Marcos Jr. sa saiyang State of the Nation Address.
Marurumduman, pigtawan duon kan Presidente na dapat mapanimbag an siisay man na nasa likod kan mga palpak asin dae makatotoohan na flood control project sa nasyon.
Katakod digde, padagos man an pag-iimbestigar sa kun siisay an mga imbwelto sa nasambitan ng dakulang problema kan nasyon.
