Pigmarkahan kan Japan ngunyan na aldaw an eksaktong 80 taon puon kan mangyari an atomic bombing sa Hiroshima.
Ini an komo pagrumdom sa labing takot na pigdara kan kariribukan sa pag-ultanan kan United States asin Russia.
Katakod digde, nag-alay nin pangadyion pasado alas 8:15 nin aga oras sa Japan, eksaktong momento kun saen an US aircraft na Enola Gay pigbagsak an “Little Boy” sa western Japanese city kan August 6, 1945.
Kadakol an nakisumaro tanganing liwat na rumdumon an pangyayari na ini na nagdara nin labing kamunduan sa nasambitan ng nasyon.
Sa nagin patar-tara ni Hiroshima mayor Kazumi Matsui, nagpatanid ini kan naglalanglaw na trend sa pagpapakusog kan base militar sa bilog na kinaban.
Mientrastanto, marurumduman sa pinakahuring numero kan mga binawian nin buhay sa Hiroshima ini an nagpakol sa 140,000 katawo huli sa makusog na pagsabog.
Makalihis man an pangyayari sa Hiroshima, makalihis an tolong aldaw saro pang atomic bomb an naggadan sa nasa 4,000 katawo sa Nagasaki.
Nagsuko an Japan kan August 15, 1945 na nagin hudyat sa pagtatapos kan World War II.
