Nagpakol sa nasa 18 na business agreements an pigtintaan kan Pilipinas asin India sa ikaduwang parte kan state visit ni Presidente Ferdinand Marcos Jr. sa Bengaluru, India.
Kabali sa mga kasunduan an nasa sektor kan renewable energy, infrastructure, healthcare, education, information technology, digital services, manufacturing, asin business process management.
Sa saiyang patara-tara sa Philippines-India Business Forum, pig-anunsyar kan Presidente an anom na priority sectors kun saen aktibong naghahanap an Pilipinas nin strategic investments asin joint ventures kaibahan an mga Indian companies.
Sigun sa Punong Ehekutibo, an mga industriyang ini an nakalinya sa global footprint kan Indian industry asin igwang mahewas na potensyal para sa trayumpo kan duwang nasyon.
Pigsieto ni Presidente Marcos na gigibuhon kan gobierno an gabos tanganing magin marhay asin kapaki-pakinabang an pamumuhunan sa Pilipinas.
Kabali sa mga ladang an streamlining kan proseso sa mga regulatory asin administrative requirements, pagpaparekas kan proseso sa investment approvals sa paagi kan Green Lane, pagpapahewas kan fiscal incentive system asin strategic investment priority system hasta 27 taon.
