NAGA CITY- Padagos na pig-aasikaso kan BFP Naga an babalyuhan na bagong fire station sa may parte kan Balatas sa nasambitan ng siyudad.
Sa nagin paghampang sa mga kagawad kan media ni SINSP Erwin Versoza, Naga City Fire Marshall, sinaysay kaini na patapos na an patrabaho kan nasambitan ng bagong istasyon kaipuhan sana soboot na i-submit na mga compliances na hinahagad sa lado kan lokal na gobierno siringman kan Regional Office.
Sigun sa opisyal sa pigkundusir kaya na inspection kan mga personahe gikan sa Regional Office igwa pang nahiling na kaipuhang mapakarhay sa sainda man na lado.
Sa parte man kan LGU, igwang mga ordinansa na pigpautob para sa mga bagong pasilidad na dapat mahiling man sa bagong Fire Station.
Mientrastanto, para man sa mga ekipahe, pigsaysay kan opisyal na igwa pa soboot dapat na bakalon na kaipuhan sa saindang pagresponde sa komunidad.
Dae pa soboot kumpleto alagad saindang ginigibuhan nin paagi tanganing mapanuan an mga kaipuhan sa saindang opisina.
Apwera digde, enkaso dagusan naman na makabalyo sa bagong Fire station maserbeng substation na sana an dati nindang opisina kun saen mawalat nin saro o duwang trucks na magagamit sa emerhensiya.
