Nareseber na kan Kamara an 2026 National Expenditure Program gikan sa Department of Budget and Management (DBM) na nagkakantedad nin P6.793 trillion na obhetong masustinaran an economic growth momentum kan nasyon.
Basado sa 2026 National Expenditure Program (NEP) na pigsumiter kan DBM sa Kamara, tinukoy an Top 10 departments na igwang halangkaw na alokasyon.
Ini an mga minasunod: Education (DepEd) – P928.5 billion; Public Works (DPWH) – P881.3 billion; Health (DOH and Philhealth) – P320.5 billion; Defense (DND) – P299.3 billion; DILG – P287.5 billion; Agriculture (DA,DAR) – P239.2 billion; Social Welfare (DSWD and NCSC) – P227 billion; Transportation (DOtr) – P198.6 billion; Judiciary – P67.9 billion asin Labor and Employment (DOLE and DMW) na igwang P55.2 billion.
Pigsaysay ni DBM Secretary Amenah Pangandaman na an budget dimensions by sector asin an social services an igwang pinakadakula na budget na nasa P2.314 Trillion, pigsunadan kan economic sevices na nasa P1.868 T; General public services P1.202 Trillion, Debt burden P978.7 T; Defense P430.9B.
Pigsaysay man ni Pangandaman na an budget an pinagsakitan ni Presidente Ferdinand Marcos Jr. kun saen saiyang pinangenotan an konsultasyon sa manlaen-laen na ahensiya kan gobierno.
