Mawot na ma-imbestigahan kan kampo ni Rep. Leila de Lima an mga prosecutors na umaabuso sa kapangyarihan.
Kan nakalihis na aldaw, Agosto 14, pormal na nagsunad nin reklamo sa Department of Justice (DOJ) si Mamamayang Liberal Party-List Representative Leila de Lima laban sa nagkapirang mga prosecutors kan DOJ.
Sa isinumiteng pormal na reklamo kan lehislador sa paagi kan saiyang ikinatawan na si Atty. Dino de Leon, reklamong grave misconduct and gross ignorance of the law an saindang pigsunad.
Sinaysay kan kampo kan lehislador na hasta sa ngunyan kaya, dae pa man nag untok an mga prosecutors sa paghahabol sa kaso ni De LIima.
Sigun sa ML Party-List, na-abswelto na ini asin nadismiss na an kaso sa hukuman.
Kan nakalihis na Hulyo 23, pinagsugo na man ninda Justice Secretary Crispin Remulla asin man Prosecutor General Richard Fadullon sa paagi kan memorandum an mga DOJ Prosecutors na i-withdraw o iatras na an Motion for Reconsideration na dating pigsunad kan Department Of Justice.
Paliwanag ni Atty. De Leon, mawot ninda na maimbestigaran an soboot nag aabuso sa kapangyarihan kan mga prosecutors.
Dugang pa kan abogado, an lakdang na ini an puon pa sana huli ta mawot nindang papanimbagon an mga nasa likod kun tano ini nakulong kan panahon kan administrasyong Duterte.
