Aram baya nindo mga ka-bombo, an pagkakakumpleto sa pinaka-enot na humanoid surrogate robot sa bilog na kinaban sa China an nagin sentro kan kontrobersiya sa presente.
Kan nakalihis na Agosto 8, pig published kan sarong media outlet an entrevista ki Zhang Qifeng, sarong PhD sa Nanyang Technological University sa Singapore asin CEO kan Kaiwa Technology, sarong kompanya na nakasentro sa pagkriar nin revolutionary pregnancy robot.
Digde, pigbuyagyag ni Qifeng na an saiyang kompanya an harani na sa pagkumpleto kan world’s first humanoid pregnancy robot na nagpapahiling kan advanced incubation pod na nakatakod sa robotic abdominal module.
An revolutionary robot na ini an mas lampas pa sa pagigin simpleneg incubator nin huli ta kaya kaining magbitbit nin 10-month pregnancy asin mangaki kan buhay na omboy na garo tunay na tawo.
Pigsaysay pa ni Qifeng na an artificial uterus kan robot an nagpapahiling man nin dakulang trayumpo sa animal testing kun kaya an humanoid robot na ini an piglalaoman na mailuluwas ngunyan na taon sa presyo na nagkakantedad nin 100,000 yuan o $14,000.
Mientrastanto, sigun man sa mga medical experts dae pa sierto an kakayanan kan robot asin dae soboot kaini kayang ribayan an kakayanan kan mga kababaihan pag-abot sa pagbabados asin pangangaki.
Sa ngunyan, padagos na nakakaguno nin manlaen-laen na reaksyon sa publiko an nasambitan ng robot.
