Mas marahay na dae na sana pag patulan an nagin pahayag kan sarong Chinese maritime expert na an.Pilipinas an dapat na magbayad kan danyos dapit sa nangyaring banggaan kan duwang barko kan China sa Bajo de Masinloc kansuarin sana.
Sigun ki Philippine Navy Spokesperson for the West Philippine Sea Rear Admiral Roy Vincent Trinidad, dae na ini dapat pang patulan huli ta aram man kan bilog na kinaban kun sisay talaga an may kasalanan.
Sinaysay pa ni Trinidad na bistado an China sa pagluluwas nin taliwas sa katotohan na mga pahayag.
Marurumdumang pig porbaran na ipiton kan barko kan Chinese People’s Liberation Army-Navy asin kan Chinese Coast Guard vessel an PCG vessel, alagad nakaiwas ini, rason tangani magsalpukan an duwang barko kan China sa Bajo de Masinloc.
Mientrastanto, suportado kan AFP an pagsusunad nin panibagong diplomatic protest kasunod kan habulan na napuli sa banggaan kan mga barko kan China.
Enot nang pig omaw kan AFP an ginibo kan PCG na nag-alok pa nin tabang sa China Coast Guard kun igwa nin mga tauhan sindang nahulog sa kadagatan.
