Maabot sa 60,000 na mga reservist an ipinaapod kan Israeli military para sa plano nindang ground offensive.
Obheto kan nasambitan ng dugang na pwersa an tanganing masakop asin ma-okupa an gabos kan Gaza City.
Mareport an mga ini sa bulan kan Setyembre asin gabos kan mga soldados na gagamiton an opensiba an magigin active-duty personnel.
Inaprobaran na man ni Israeli Defence Minister Israel Katz an pagbubugtak kan mga soldados na nasa Zeitoun asin Jabalia areas.
Piglalaoman na pirang ribong mga Palestino na ansa Gaza City an susuguong mag-ebakwar asin magtago sa shelters sa southern Gaza.
Pigkondenar man ini kan kadakol na mga nasyon kun saen sinaysay ni French President Emmanuel Macron na madara sana ini nin danyos sa mga tawo asin pagkakaigwa nin permanenteng giyera.
Ipighayag man kan International Committee of the Red Cross (ICRC) na orog pang madakol an mawawaran nin salbadong istaran kun idinagos kan Israel an balak.
Pigpipirit man kan mga mediators na nasyong Egypt asin Qatar na maplantsa na an peace deal antes an gigibuhong opensiba na ini kan Israel.
