Pinahigot kan Office of Civil Defense (OCD) an koordinasyon kaini sa Department of the Interior and Local Government (DILG) asin mga lokal na gobierno tanganing pagpreparan an padagos na epekto kan habagat asin huma kan panibagong raot nin panahon.
Kabali sa mga lakdang an pag-activate kan Emergency Operations Centers, pagpepreparar kan evacuation sites, rescue teams, asin suplay.
Pigsugo man an LGUs na magsagibo nin pre-emptive evacuation sa mga lugar na pigbabantayan kan Department of Environment and Natural Resources, Mines and Geosciences Bureau (DENR-MGB) na prone sa baha asin pagrasay nin daga.
Mahigot man na nakikipag-koordinar an OCD sa DOST-PAGASA tanganing tolos na maipakuriyat an mga patanid asin weather forecast.
Kasunod kaini, liwat man na nangapudan an ahensiya sa publiko na magpreparar kan emergency go-bags, aramon an pinakaharaning evacuation center, asin tolos na mag-ibakwar orog na sa mga naka-istar sa baybayon asin habababang lugar.
