NAGA CITY- Nasa red alert status an Regional Disaster Risk Reduction and Management Council operation center sa Bicol komo pagpreparar sa posibleng epekto kan low pressure area.
Sa memorandum na pigpaluwas kan nakalihis na Domingo, sinaysay ni Claudio Yucot, Office of Civil Defense (OCD)-Bicol Director and Bicol RDRRMC chairperson, sa irarom kanemergency preparedness and response (EPR) protocols, an Bicol region an pigbugtak sa irarom kann protocol Charlie o high-risk protocol.
An nagkapira sa mga national government agencies, komo mga miyembro kan response cluster an pig-activate tanganing masierto an padagos na koordinasyon.
Ini an kinababalihan kan Department of Health, Department of Social Welfare and Development para sa pagkakan asin non-food items siringman an camp coordination asin management enkaso ipautob an pag-ibakwar.
An Department of Information and Communications Technology para man sa emergency telecommunications, Police Regional Office-5 para sa paz y orden, asin an Joint Task Force Bicolandia para sa search, rescue, and retrieval operations.
Apwera digde yaon man an Department of Public Works and Highways para sa paglilinig kan mga debri mantang an Department of the Interior and Local Government para sa management kan mga fatalities asin nawawara siringman an OCD para sa logistics.
Pighurot naman kan opisyal sa Coast Guard District Bicol asin provincial Disaster Risk Reduction Management Offices na mag-implementar kan no-sailing policy kun enkaso kaipuhanon.
Mientrastanto, an social welfare department sa Bicol naka-prepositioned na kan nasa P177 million sa non-food asin food items. Sa ngunyan, pig-asegurar kan opisyal na preparado an gabos na ahensiya tanganing magsimbag katakod kan nasambitan ng raot kan panahon.
