Pighihiling kan Department of Budget and Management (DBM) asin Department of Public Works and Highways (DPWH) na matapos sa laog nin duwang semana o mas amay pa an pagrepaso sa pondo kan DPWH para sa 2026.
Sigun ki Budget Secretary Amenah Pangandaman, itinao na kaini ki DPWH Secretary Vince Dizon an mga giya para sa mahigot na pagbusisi sa pondo kan ahensiya.
Pigtawan duon ni Pangandaman, ini an enot na pagkakataon na nire-review liwat an National Expenditure Program na naipasar na sa Kongreso.
Pigsaysay man ni Dizon, tolos kaining kakaulayon an mga regional directors tanganing busision an budget, orog na an mga proyektong napuna kan mga lehislador.
Pig-ako kan opisyal na magabat an trabaho huli ta mapakol sa 700 dahon an kaipuhan na pag-adalan.
Pigsierto man ni Pangandaman na maihahabol an revised budget sa Kongreso sa pigtalaan na panahon asin dae mapapauktaba an deliberasyon kan 2026 budget, kaya dae man mapupuli sa reenacted budget an proseso.
