Nairehistro kan Department of Health Bicol an nasa 25,919 na pasyenteng nagsairarom sa bulungan para sa helang na tuberculosis (TB).
Sigun ki Aida Ruby Jeremias, TB program coordinator, nag-abot an success rate sa nasa 94% gikan sa kabilugang 31,399 na kaso kan 2024 sa anom na probinsiya sa Rehiyong Bikol.
Para sa taong 2024, an Albay an nakapagrehistro nin 5,748 treated cases; Masbate, 3,868; Sorsogon, 3,494; Catanduanes, 1,142; Camarines Norte, 2,480; asin Camarines Sur na nag-abot sa 9,187.
Sa enot na duwang quarters kan taon, igwang 15,533 na na-enrolled para sa TB treatment sa Rehiyon.
An Tuberculosis an sarong infectious disease na kawsa kan bacteria Mycobacterium tuberculosis.
Marurumduman, an DOH sa irarom kan National TB Control Program obhetong maabot an TB-free Philippines na mayong nairerehistro na binawian nin buhay.
