NAGA CITY- Nag-abiso an Public Safety Office Naga sa publiko na likayan an pagpasiway sa ikukundusir na Fluvial Procession.
Sa nagin paghampang sa mga kagawad kan media ni Rene Gumba head kan Public Safety Office Naga, sinaysay kaini na nagtao na nin task group of assessment para sa preparasyon sa fluvial procession.
An grupo kan coast guard an mamantinir sa kaayusan sa fluvial asin man sa traffic and bridge management.
Katakod digde alas 12 nin pagkaudto hasta mag-agi an procession isasarado an mga tulay para sa mga behikulo alagad imamantenir soboot na magin passable sa mga tawo apwera sana sa pagtambay.
Mientrastanto, may mga idedeploy na nagkapirang communicator gikan sa bridge management sa mga tulay asin igwang nagkapirang mga personahe man an tutugutan makalaog sa mga tulay siring kan mga media asin iba pa na igwa kan JOC na ID.
Dugang pa kan opisyal alas 6 nin pagkaaga sa aldaw nin Sabado, sarado na an agihan kan mga behikulo sa Tabuco.
Sa ngunyan, mas magigin mahigot an pagbabantay kan mga otoridad kaibahan an saindang lado sa mga indibidwal na pasaway orog sa mga voyadores tanganing malikayan an katibaadan sa panahon kan kasiributan.
