Nagluwas an World Health Organization (WHO) nin report na igwa nin titulong “Saving lives, spending less” na nagbubusol nin baratong solusyon kontra sa noncommunicable diseases (NCDs) asin mental health.
Sigun sa WHO, bastante na an dugang na US$3 kada tao kada taon tangani man makua an US$1 trilyong benepisyo sa ekonomiya pag abot kan 2030. Bagaman nagbaba an numero kan mga nagagadan sa NCDs magpuon 2010 hasta 2019, nagluya an progreso sa kadaklan kan mga nasyon.
Labi sa sarong bilyong tao an may mental health conditions, asin 75% kan mga katakod na pagkagadan an nangyayari sa mga nasyong hababa asin gitnang kita.
Sa papaabuton na Setyembre 25, ikukundusir an ika-apat na UN High-Level Meeting sa New York tangani pag-ulayan an mga lakdang sa NCDs asin mental health.
Nangapudan si WHO Director-General Dr. Tedros Ghebreyesus sa mga lider na mamuhunan sa mga epektibong solusyon siring kan buwis sa arak, tabako, asin junk food.
Pigtawan duon kan WHO na an pagsimbag sa NCDs an bako sanang makatao kundi sarong matalinong lakdang para sa mas mauswag na lipunan.
