Pigbuyagyag ni ACT Teachers Party-list Rep. Antonio Tinio na si Presidente Ferdinand Marcos Jr. soboot mismo an nag-aprubar kan 3,700 proyekto kan Department of Public Works and Highways (DPWH) na nagkakantidad nin ₱214.4 bilyon gikan sa inaapod na unprogrammed appropriations o pondo na mayo sa nakabugtak na budget kan gobyerno.
Inihayag ini ni Tinio sa budget deliberation kan Office of the President sa plenaryo kan Kamara kan nakalihis na aldaw nin Martes.
Sinaysay ni Tinio, basado sa opisyal na datos, ₱61.4 bilyon an ginastos kan nakalihis na taong 2023 asin ₱153 bilyon ngunyan naman na 2024 para sa mga proyektong siring kan flood control, mga tinampo asin multi-purpose buildings.
Pighurot ni Tinio na basado sa ley, an siring na mga proyekto an kaipuhang aprobaran kan Presidente.
Digde, kinumpirmar sa pagdangog na si Marcos Jr. talaga an nagtinta tangani mapondohan an gabos nin proyekto.
Sinaysay man kaini na kadaklan sa mga proyektong ini an naparing sa mga lugar na haloy nang may isyu nin katiwalian sa flood control projects.
Tinuligsa man kaini an pahayag ni Executive Secretary Lucas Bersamin na mayo sindang kinaraman sa mga proyektong ini, huli ta an pag-aprubar an kaipuhan mismo kan Presidente.
