NAGA CITY – Nagpatanid an pamayuhan kan DEPED Camarines Sur sa mga paratukdo na pirming late o dae naglalaog sa klase.
Sa entrevista kan Bombo Radyo ki Atty. Salvador bogs Pelingon, Division Information Officer, DEPED Camarines, sinaysay kaini na dapat i-apply soboot kan mga paratudko an moral na obligasyon orog na ta igwang mga estudyanteng naglalakaw nin haros saro o duwang oras tanganing makaabot asin makapagpartisipar sana nin klase asin mag-atendir nin Flag Ceremony.
Dugang pa ni Pelingon na igwang legal na obligasyon an siisay man na maestra o maestro an na kun saen an dae nagtutukdo pwedeng magkaigwa nin administrative case.
Katakod digde an mga naglalaog man na late pupwede man mapadusahan kan administratibo o posibleng magin rason tanganing mahali an mga ini sa trabaho.
Patanid kan opisyal na tandaan soboot an moral na obligasyon komo paratukdo sa mga estudyane tanganing malikayan an pagbalgar sa anuman na pwedeng mangyari.
