Posibleng ibali kan Department of Energy (DOE) an nuclear energy sa saindang de-risking initiative na presenteng nakapokus sa geothermal energy, makalihis pirmahan kan administrasyong Marcos an Philippine Nuclear Energy Safety Act o PhilATOM Law.
Sigun ki DOE Energy Utilization Management Bureau Director Patrick Aquino, igwang posibilidad na suportaran kan mga multilateral na bangko siring kan World Bank asin Asian Development Bank an mga proyektong nuclear orog na ta naenot nang pig-enkaminar ini kan administrasyong Biden sa U.S.
Dugang pa ni Aquino, namamatean na man an interes kan mga dayuhang negosyante sa nuclear energy sa nasyon.
Pighihiling na man soboot kan ahensiya an posibilidad na magkaigwa nin suhay na auction para sa nuclear energy sa irarom kan Green Energy Auction Program enkaso napakarhay na an legal na basehan kaini.
Katakod digde, pigtatabangan kan International Atomic Energy Agency (IAEA) an Pilipinas na pakarhayon soboot an 19 na importanteng pag-urulay dapit sa pang-imprastruktura antes na opisyal na ipautob an paggamit kan nuclear energy sa nasyon.
