Nagpakol sa P40 million an pig-alokar kan Department of Labor and Employment (DOLE) para sa provision kan emergency employment assistance sa mga biktima kan Typhoon Opong sa Bicol Region.
Sa sarong pahayagm sinaysay kan DOLE na labi P40 million an pigtagama para sa implementasyon kan Tulong Panghanapbuhay sa Ating Disadvantaged/Displaced Workers (Tupad) program sa Bicol Region.
Katakod digde, igwang kabilugang 6,455 displaced workers sa nasa 11 municipalities an pighihiling komo benipisyaryo.
Sa paagi kan lakdang na ini, liwat na mapapapusog an commitment kan ahensiya na liwat buhayon an kabuhayan kan mga nawaran nin trabaho.
An Tupad an sarong safety net program na matao nin emergency employment para sa peryodong 10 hasta 90 days, depende sa klase kan trabaho.
An mga benipisyaryo an igwang aram sa pig-aapod na mga community projects siring kan repair, maintenance, pagpapakarhay kan pangpublikong pasilidad asin infrastructure; paglinig kan mga debri; de-clogging kan mga canals; pagtatanom nin mga puon kan kahoy; seedling preparation asin re-forestation.
Katakod digde, an mga benipisyaryo an makakareseber nin aldawang sweldo na katampad kan halangkaw na minimum wage rate sa Bicol Region.
