Padagos sana an Department of Energy (DOE) na magsagibo kan saindang power restoration efforts sa Cebu City makalihis na pagyugu-yuguon kan magnitude 6.9 na linog.
Sigun ki Energy Usec. Mario Marasigan, personal na nagpasiring si Energy Sec. Sharon Garin sa rehiyon tanganing magsagibo nin ground assessment asin basado soboot sa pinakabagong report, haros nasa anom na electric cooperatives pa an padagos na pigmomonitor kan saindang ahensiya gikan sa 2 rehiyon na iyong nagsasakop sa labi apat na mga probinsiya.
Kasunod kaini 81 gikan sa 83 na mga munisipalidad o haros 98% na an presenteng na-energized.
Dugang pa kaini alagad maski energized na an mga munisipalidad na ini, dapat pa man magigin tulos an panunumbalik kan elektrisidad sa mga lugar na ini huli ta kaipuhan muna nin bastante na assessement gikan sa Department of Public Works and Highways (DPWH) para sa mga naapektaran na imprastraktura sa rehiyon.
Huli digde, nagpapadagos pa an restoration efforts kan departamento para sa 64,631 na mga konsyumer sa Cebu.
Mientrastanto, sa ibong kaini dae man muna nagtao nin timeline si Marasigan kun hasta nuarin an magigin power supply restoration sa rehiyon alagad pigsierto kaini na magigin madali na sana ini huli man ta energized na an dakulang parte kan apektadong mga rehiyon.
Kasubagong aga, nakatalaang magtao nin mga resulta kan ground assessment si Energy Sec. Sharon Garin dapit pa man sa presenteng power situation sa Cebu.
