Gadan an labi sa 60 katawo makalihis an nairehistrong Landslide asin pagbaha dara kan matinding pag uran sa Nepal asin sa neighbouring India.
An nasambitan ng makusog na bulos nin uran an nagbulos sa Nepal magpuon kan Biyernes, na nagin resulta kan pag apaw kan mga tubig sa salog kadakol na mga lugar sa Himalayan.
Dae mababa sa 43 katao an nadagan sa mga kalamidad na dara kan uran asin man lima an nawawara, sigun ki Shanti Mahat, an tagapagtaram kan National Disaster Risk Reduction and Management Authority kan Nepal, sa AFP. Dae mababa sa 37 an nagadan man huli sa pagrasay kan daga sa pinakalabing naapektaran sa silangang distrito kan Illam.
An mga salog sa kabisera kan Kathmandu an nalubog man. Pinakuriyat an mga security personnel tagai magtabang sa pag rescue.
Inulangan kan landslide an nagkapirang highway asin nauktaba an mga flight, na nagwalat nin ginatos na travellers na ma-stranded.
Sigun sa Punong Ministro Sushila Karki an mga ahensya kan gobyerno an ganap ng preparado para sa rescue and relief.
Sa ibong na lado, dae man mababa sa 20 katao an gadan sa burol na distrito kan Darjeeling sa estado kan West Bengal makalihis an makusog na magdamlag na pag uran na nagkawsa nin mga flash flood asin landslide na nag resulta man sa pagkaraot kan mga kaharungam asin imprastraktura.
Nagkapirang mga footages sa India nagpapahiling sa mga rescue worker na naggagamit nin mga cable tangani sana ma-access an mga cut-off na rehiyon mantang an rumaragasang tubig an bumagsak sa mga tulay asin nagrasay na mga tinampo.
Sigun ki Prime Minister Narendra Modi, labi ining namumundo sa mga residenteng binawian nin buhay.
