Itinalaga ni Presidente Ferdinand Marcos Jr., si Department of Justice (DOJ) secretary, Jesus Crispin “Boying” Remulla, komo bagong Ombudsman.
Si Remulla maserbi nin sarong termino sa laog nin 7 taon o hasta sa taong-2032.
Komo sarong Ombudsman, ini an mamamayo sa constitutional body na pigtawan nin kapangyarihan kan 1987 Constitution tanganing usigon, suspendiron, sibakon asin magsunad pa nin kasong kriminal kontra sa mga tiwaling opisyal kan gobyerno.
Mientrastanto, pighihiling man kan publiko an patakaran ni Remulla sa pag-access kan Statements of Assets, Liabilities, and Net Worth (SALN) – an dokumentong naglalaog kan bilog na yaman kan mga pampublikong opisyal – asin sa mga pagsusuri sa pamumuhay sa gobyerno.
Advertisement
Advertisement
