Pigbatikos ni Davao City 1st Rep. Paolo Duterte an pagbasura kan International Criminal Court (ICC) sa kahurutan kan interim release para sa saiyang ama na si dating Presidente Rodrigo Duterte.
Sigun ki Congressman Pulong, malaban asin maapelar sinda sa desisyon kan ICC na “gross and disgraceful miscarriage of justice” na bakong ley, kundi political theater.
Pigtawan duon pa ni Rep. Duterte, 80-anyos na an saiyang ama, mayo na sa kapangyarihan, biktima sana kan political persecution, asin dae maikokonsederar na flight risk.
Pigsaysay pa ni Duterte pigpapadangat soboot kan taumbayan an saiyang ama kaya mawot kaining magtinir sa Pilpinas mantang nabubuhay pa.
Nagpatanid man an kongresista na pagbabayadon an mga nagdukot sa saiyang ama sa krimen na saindang ginibo na kasabwat an Central Intelligence Agency (CIA).
Dugang pa ni Rep. Pulong, an mayong basehan na pagkulong an dae magpapaselensio sa dating Presidete kundi nakakatabang soboot ini tanganing magin martyr.
