Pasado na sa ikaduwang pagbasa kan House of Representatives an House Bill (HB) No. 4058 o an prosopwestong P6.793 trillion national budget para sa 2026.
Pigkundusir an pag-apruba kan prosopwestong ley sa paagi kan viva voce o voice voting sa plenaryo kan Biyernes, Oktubre 10.
Pira sa mga pagbabago an pagbabawas sa budget kan Office of the Vice President sa 2026 nin P902.8 milyon.
Pigbusol ni Mamamayang Liberal Rep. Leila de Lima na gibuhon P733-M an budget kan OVP kaparehas ngunyan na taon.
An lakdang na ini ni De Lima kasunod kan dae pag atendir ni Vice President Sara Duterte sa deliberasyon kan saiyang budget.
Nakatalaan man sa aldaw nin Lunes, Oktubre 13 ikukundusir kan House of Representatives an ikatolo asin panghuring pagbasa kan 2026 national budget antes an saindang sarong bulan na session break.
