Pig inkaminar ni Solid North Partylist Rep. Ching Bernos an liderato kan kamara asin man kapwa mga kongresista na ipasa an House Bill No. 3116 o propwestong Magna Carta for Private School Teachers.
Duon ni Bernos, simbag an saiyang propwesto sa sakripisyo kan mga private school teachers sa tahaw kan kawaran kan financial security asin man pag-usad kan saindang career.
Nakapalaog sa propwesto ni Congresswoman Bernos an pagtakda sa anom na oras na pagtatrabaho kan mga paratukdo kada aldaw o dae malagpas sa walong oras asin man pagtatao sa sainda nin hardship allowances.
Tiwala man si Bernos na simbag an saiyang propwesto sa exodus o paghali kan mga paratukdo sa pribadong sektor huli ta dae bastante an saindang sweldo, kulang sa mga benepisyo asin proteksyon.
