Pigkonektar kan Philippine National Police an pagmantinir kan paz y orden sa Bicol Region sa 5-minute response time.
Sigun ki Police Regional Office 5 Public Information Officer Malu Calubaquib, an mas pusog asin mas episyenteng implementasyon kan 5-minute response time an rason tanganing mas marekas na masimbagan an mga krimen asin mas madali na ma-track down asin madakop an mga suspek.
Dugang pa ni Calubaquib, an nasambitan ng 5-minute response policy sa paagi kan 911 calls, na piglunsar kan PNP kan nakalihis na June an orog na nagpamarhay sa pagresponde kan mga kapulisan.
Sa irarom kan liderato ni PRO 5 Regional Director PBGEN Nestor Babagay, Jr., nagbaba nin nasa 346 an krimen puon 16,602 kan Enero asin September kan 2024, sa 16,256 sa kaparehas na peryodo.
An walong focus crimes sa Rehiyon an nagbaba nin 14 percent gikan sa 2,025 pasiring sa 1,737 sa nasambitan ng panahon.
Pigsaysay man ni PBGEN Babagay, an regular na community engagement an makakatabang sa pagbusol sa paggamit kan 911 calls sa mga residentes sa panahon kan emerhensiya.
An lakdang na ini an nangangaipuhan nin pagtatarabangan partikular gikan sa publiko.
Sa ngunyan, pigsierto na sana kan nasambitan ng hepatura na padagos an saindang pagtulod kan 5-minute response time sa paagi kan regular na schedule kan communication exercises asin drills.
