Nasa kabilugang PhP158. 3 million na kantidad nin tabang pinansyal an ipinagkaloob ni Presidente Ferdinand Marcos Jr. sa mga lokal na gobyerno na gikan sa sa Davao na labing naapektaran kan 7.4 magnitude na linog.
Sinaysay ni Palace Press Officer Usec Claire Castro na PhP50 million digde, para sa Davao Oriental; PhP10 million sa Mati City, tig-PhP15 million sa Manay, Banaybayan, asin man Lupon.
Mantang tig-PhP10 million sa Tarragona asin man Baganga.
Sigun ki Usec Castro, an suportang ini na gikan sa Office of the President an tangani maalalayan an mga Davaoeno sa pagbangon liwat, gikan sa epekto kan pagtama kan linog.
An mawot kaya na ipaabot kan presidente sa personal na pagpasiring sa Davao, magdagos-dagos an pagtataong tabang kan gobyerno, hasta sa gabos nin pamilyang apektado kan linog an makabangon asin man makapagpuon liwat.
