Pigluwas kan Department of Agriculture (DA) an pinal na kantidad kan danyos sa sektor nin agrikultura makalihis an pagtama kan mga bagyong Mirasol, Nando, Opong magin an habagat.
Sigun sa Agriculture Department, nagpakol sa P7.71 bilyon an bilog na danyos sa pag-oma sa 205,016 na ektarya kan daga asin siraan.
Naapektaran man kan nakalihis na kalamidad an Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, Western Visayas, Central Visayas, Eastern Visayas, Zamboanga Peninsula, Central Mindanao, asin SOCCSKSARGEN.
Nairehistro an mga danyos na ini sa 13 rehiyon sa nasyon na kadaklan mga pananom na paray, mais, high-value crops, livestock asin poultry, fisheries, agricultural infrastructures, irrigation facilities, asin mga makinarya asin kagamitang pangomahan.
Nagpakol man sa 268,077 paraoma asin parasisira an naapektaran asin nagpakol sa 472,701 metric tons an bilog na pagkalugi.
