Maikokonsiderar na nahuhuri pa man an Pilipinas pag-abot sa pension system basado sa bagong report kan 2025 Global Pension Index ng Mercer CFA Institute.
Sigun sa record kan Mercer CFA Institute sa saindang 2025 Global Pension Index, mahihiling na ika-tolo sa huri an pwesto kan Pilipinas sa kabilogang 52 na numero kan mga nasyong pinag-adalan ninda.
Kaibahan kan Pilipinas sa huring linya iyo an mga nasyon kan Turkey, Argentina, asin India na kapuwa nakakua nin “D” grade sa Global Pension Index, na boot sabihon igwang maikokonsiderar na igwang “desirable features” kan pension system alagad igwa man dakulang kaluyahan na dapat maresolbaran.
Mientrastanto, nakapagrehistro nin 40.6 sa adequacy, 64.4 sa sustainability, asin 33.2 man sa integrity na grado sa Global Pension Index an Pilipinas.
Kun susumahon, harayo na maray an grado kan Pilipins sa nangengenot na nasyon ngunyan iyo an Netherlands kun saen nakapagrecord sinda nin 85.4 na overall index, 86.1 sa adequacy, 83.5 sa sustainability, asin 86.8 sa integrity sa Global Pension Index ngunyan na taon.
Nagsunod man sa Netherlands an Iceland, Denmark, Singapore, asin Israel komo mga nasyong may mauswag na pension system sa bilog na kinaban.
An Mercer CFA Institute Global Pension Index an nagrerecord kan retirement income systems sa 52 numero kan mga nasyon sa bilog na kinaban.
