Nagdeklarar nin pitong bagong santo si Pope Leo XIV kan nakalihis na aldaw, kabali sa mga ini an sarong dating Satanikong padi na liwat nadiskure an saiyang pananampalatayang Kristiyano.
Nag alingawngaw an mga kampana sa St. Peter’s Square para sa seremonya, kun saen ginawadan kaini an dating okultistang padi, si Bartolo Longo, kaiba an sarong layko gikan sa Papua New Guinea, sarong arsobispo na ginadan sa Armenian genocide, sarong Venezuelan na “doktor kan mga pobre” asin tulong madre na nag-alay kan saindang buhay sa mga pobre asin man may helang.
An dating Satanic priest na si Longo, sarong Italyano na abogado na ipinangaki kan nakalihis na 1841 asin nagadan kan taong 1926, an liwat na nag iba sa Katolisismo asin nagpadagos sa pagtatatag kan Pontifical Shrine kan Mahal na Birhen kan Rosaryo kan Pompeii.
Darakulang ladawan kan pito an iniladlad gikan sa mga bintana, mantang si Pope Leo an primerong papa kan US, an nagluwas gikan sa St. Peter’s Basilica na nakasulot nin sarong seremonyal na puting sutana na may mitra sa saiyang payo asin man nangengenot sa mga obispo asin cardinal.
Binasa ni Cardinal Marcello Semeraro an profile kan pitong santo– an prefect kan Dicastery for the Causes of Saints — an departamento kan Vatican na namamayo kan beatification asin canonization. Opisyal na idineklarang mga Santo an pito makalihis basahon kan papa an canonization formula.
Sa saiyang homiliya, iniladawan ni Leo an mga bagong santo komo arinman sa “mga martir para sa saindang pananampalataya”, “mga ebanghelisador asin misyonero”, “mga charismatic na tagapagtatag” kan mga kongregasyon o “mga tagapagtao kan sangkatauhan.
