Nilinaw ngunyan ni Ombudsman Jesus Crispin Remulla na dae pa sinda tapos sa kaso ni Senator Joel Villanueva dapit sa dismissal order kaini kan 2016 na sekretong ibinasura ni dating Ombudsman Samuel Martires.
Sigun ki Remulla na labi ining namumundo huli sa pagbasura kan saiyang niribayan sa pwesto an kasong pigkakakaimbweltuhan ni Villanueva.
Inireklamo si Villanueva huli sa dae tamang paggamit kan saiyang 2008 Priority Development Assistance Fund (PDAF) kan ini kongresista pa sana.
Dugang pa ni Remulla na pigpapaluwas ngunyan kan Senador na garo pighaharass ini huli sa kaso.
Dae man sinaysay ni Villanueva soboot na nabaliktad an kaso kan Ombudsman kaidto asin padagos an saiyang pagtoninong.
Nasisierto kaini na pag-aadalan ninda an kaso huli ta an Senador asin si Martires sana soboot an nakakaaram ngunyan.
