Nakapreprar man si Senator Erwin Tulfo na hampangon an quo warranto petition na pigsunad sa saiya sa Senate Electoral Tribunal (SET).
Sa pagdangog kan budget kan SET, ipinahiling kaini an slide presentation na nakapalaman na igwang kinakahampang na quo warranto petition si Sen. Erwin dapit sa isyu kaini sa citizenship.
Sigun ki Tulfo, aram soboot kaini na igwang nakabinbin na siring na kaso sa SET kontra sa saiya asin preparadong hampangon.
Pigsaysay kan senador na sarong tawo o an disbarred lawyer na si Berteni Cataluna Causing an nagsunad sa saiya kaidto kan disqualification case kan nakalihis na kampanya kaya dae na nakilhag an opisyal.
Naglalaom an senador na matatapos man an isyu huli ta gabos kan disqualification cases na pigsunad kontra sa saiya an naibasura.
