Padagos an pagbaba kan outstanding debt o natatadang utang kan gobyerno kan Pilipinas.
Sigun sa Bureau of Treasury (BTr), bahagyang nagbaba sa 17.46 trillion an utang kan gobyerno sa pagtatapos kan bulan nin Setyembre ngunyan na taon gikan sa P17.47 trillion na kabilugang utang kan pagtatapos kan Agosto 2025.
Sa sarong statement, ipinaliwanag kan bureau na an padagos na pagbaba kan utang kan gobyerno an nagpapahiling sa matalinong pamamayo sa pananalapi, estratehikog pangungutang asin proaktibong pangangasiwa sa mga paninimbagan kalakip kan matatag na kondisyon sa merkado asin makusog na kumpiyansa kan domestic investor.
Sigun sa bureau, nagbaba an domestic debt o panlaog na utang nin 0.9% o sa P11.97 trillion kasabay kan pagbabayad kan gobyerno sa mas kadakol na utang kumparar sa bagong issuances.
An external debt man o panluwas na utang an naglangkaw sa 1.9% o sa P5.48 trillion sa pagtatapos kan Setyembre, na pangenot na rason iyo an pagluya kan kantidad kan peso.
Sa pangkagabusan, sigun sa Bureau of treasury, pinagtitibay kan datos kan nakalihis na Setyembe an matatag na disiplina sa pananalapi kan Marcos Jr. administration siringman an proaktibong pangangasiwa sa mga utang, na nagsisigurong an pinansiyal kan gobyerno an matinir na sustainable, strategic asin suportado an mga prayoridad sa paglago kan nasyon.
