Trigger warning: An article na ini an igwang detalyes nin self-harm.
Emosyonal kan liwat na balikan kan host asin dating konsehala na si Kim Atienza an matinding kulog na namatean kan mabaretaan kaining nagadan an saiyang aki na si Emman.
Sa sarong entrevista, sinaysay ni Kim na duwang aldaw antes an trahedya, nagpadara pa nin mensahe si Emman sa saiyang ina, na nagsasabing kaipuhan kaining magpasiring sa therapy center, alagad mayo nin ano man na palatandaan nin self-harm.
Pigporbaran pa kaining apudan si Emman, alagad dae na soboot makontak. Kan maresiber man ni Kim an mensahe gikan sa saiyang agom na si Feli, na dagusan nang namaaram an saindang aki, iniladawan ni Kim an matinding kulog na haros niruluya soboot ini asin hinagad sa Kagurangnan na mas marhay nang tawan nin helang na cancer, kaya pa kaining matios alagad an magadanan nin aki, iyo an labing makulog sa gabos.
Bagaman labi an saindang pagdadalamhati, nakua ni Kim an kadikit na ginhawa sa positibong impluwensya ni Emman.
Sigun sa saiya, makaogma an kabuotan asin inspirasyon na winalat kan saindang aki, na naitala pa sa New York Times, TMZ, asin man Entertainment Tonight.
Nagtutubod pa ini na igwa nin mas halangkaw na obheto an nangyari asin nagtatao ini nin katuninungan sa saiyang puso.
Para man sa mga nakaka-eksperyensya nin depresyon o may iniisip na kulugan an sadiri, pwedeng mag apod sa National Center for Mental Health (NCMH) Crisis Hotline sa 1553 (landline) o 0917-899-8727 asin 0919-057-1553 (mobile).
